Təbiət psixi sağlamlığımıza necə təsir edir?

 

Tədqiqatlar göstərir ki, ətraf-mühit və stress səviyyəsi arasında birbaşa əlaqə vardır. Gördüklərimiz, yaşadıqlarımız, eşitdiklərimiz təkcə əhval-ruhiyyəmizi dəyişmir, eyni zamanda əsəb, hormon və immun sistemimizə də təsir edir.

Neqativ hadisələr bizi stressə salıb əhvalımız korladığı kimi qan təzyiqi, ürək döyüntüsü, əzələ gərginliyi və s. yarada bilir.

Bunu necə tənzimləyək?

Yaşından, aid olduğu mədəniyyətdən, sosial statusundan asılı olmayaraq bütün insanlar üçün təbiət şəfa mənbəyidir.

Araşdırmalara görə insanların əksəriyyəti bunu təsdiqləyir. Həftədə 2 saat təbiətdə vaxt keçirmək həftə ərzində qazandığımız stress və gərginliyi yox edir.

Təbiət sağaldır.

Təbiətin qoynunda olmaq və ya hər hansı mənzərəyə baxmaq qəzəbi, qorxunu, stressi azaltmağa kömək edir. Ruhi sağlamlıqda baş verən dəyişiklər isə fiziki sağlamlığımıza da öz təsirini göstərir. İş yerlərində, xəstəxanalarda, məktəblərdə aparılan tədqiqatlar göstərir ki, kiçik ev bitkisi belə insanlara müsbət təsir edir.

Təbiət sakitləşdirir.

Bundan başqa, təbiət ağrı ilə başa çıxmağı öyrədir. Çünki insan genetik olaraq elə kodlaşdırılıb ki, ağaclar, yaşıllıq, su, bitkilər və digər elementlər insana valehedici görünür. Ona görə də təbiət mənzərələri bizi cəlb edir, diskomfort və ağrını unutdurur.

Təbiət bərpa edir.

Depressiyada olan insanlar üzərində aparılan araşdırmaya əsasən təbiətdə gəzən insanlar 71% müsbət dəyişiklik gördüyü halda, ticarət mərkəzlərində gəzən insanlar sadəcə 41% nəticə əldə etdi.

Təbiət birləşdirir.

Başqa bir araşdırma həyətyanı sahəsi olan insanların daha istiqanlı, sosial və güləriz olduğunu ortaya çıxarıb. Torpaqla işləmək həm mənfi enerjini yox edir, həm də beyni sakitləşdirir. Nəticədə psixi sağlamlıq qaydasına düşmüş olur.

Rəqəmsal dünyada insanlar getdikcə təbiətdən uzaqlaşır. Telefon, kompüter, televizor həyatımıza daxil olduqca insanların təbiətdən qopması sürətlənir.

“Ekran qarşısında keçirilən vaxt öldürücüdür”

Necə qarşısını alaq?

Tövsiyyələr:

Bəlkə film izləyək deməyin, bəlkə gəzintiyə çıxaq? Deyin.

Sabah gec durarıq yox, bəlkə sabah gün doğumunu izləyək? Deyin.

Kompüter oyunu oynamayaq, bu gün gül əkək! Deyin.

Onda ekranlar bizim üzərimizdə yox, biz ekranlar üzərində nəzarəti ələ almış olarıq. Ana təbiət əvvəlki kimi bizi qucağına alıb sağaldar.

Ruhunuzun qeydinə qalmanız diləyiylə!