Təbii qarğıdalı

Qarğıdalı sevməyən insan çətin tapılar. Xüsusilə də kənddə gübrəsiz, dərmansız, analarımızın qayğısı ilə yetişmiş qarğıdalıdan imtina etməzsiniz.  Qarğıdalı rütubətsevər bitki olduğuna görə bizim kəndimizdə yaxşı yetişir. Demək olar ki, hamı qarğıdalı becərir. Həm ucuz, həm də faydalı olan bu bitkinin iki növü var: yay və payız. Hər iki növ eyni vaxtda (yazda) əkilsə də  payız növü bir az gec yetişir. Qarğıdalının üstü çox qabıqlı olur. Onu təmizləmək nə qədər səbir və zəhmət tələb etsə də hazır bişirilmiş qarğıdalını yemək də bir o qədər ləzzət verir. Qarğıdalının ucunda olan saçaqlara görə onun yetişib -yetişmədiyini  təyin etmək olar. Həmin saçaqların rəngi tünd olanda o, yetişmiş hesab olunur. Qarğıdalının  həm özünü həm də qabıqlarını mal-qaraya verirlər.

Qarğıdalını 2-3 saata bişirmək olar. Bişəndən sonra onu tez soyuması üçün soyuq duzlu suya qoyurlar. Belə olduqda siz həm soyumuş, həm də duzlanmış qarğıdalı yeyəcəksiz. Nuş olsun...