Biz payıza hazırıq))

Bizim kənddə deyirlər ki, avqustun 15dən sonra bizə payız gəlir. Əslində  çox doğru deyilmiş sözdü. Yayın axırından başlayaraq oktyabrın axırına qədər bizim payızımız hökm sürür. Payız da nə payız. Ara verməyən yağışlar onsuz da pis olan yolları palçıqdan keçilməz edir. Bu palçıqla başa çıxmaq üçün hər bir kəndlinin dözümlü ayaqqabıya ehtiyacı var. Qaloş haqqında eşitməyən az adam tapılar. Bizim yerlərin yağışa, palçığa, qara, şaxtaya yenilməyən yeganə vasitəsi qaloşdur. İran qaloşu yox haa, rus qaloşu. İran qaloşu qiymətcə ucuz olduğu kimi keyfiyyətcə də pisdir. Rus qaloşu isə əsl qaloş standartlarına cavab verir. Yazdıqlarımız sizə elə gəlməsin ki, rus qaloşu ömürlükdür.  Yox, o da cırılır. Amma cırılan kimi atılmır. Qənaətcil qadınlar  onları təkrar istifadə verir. Cırılmış yerləri yamayaraq bu ayaqqabılar su keçirsə də, yazda və yayda  çöldə iş zamanı kara gəlir.

Kişilər isə çəkmə geyinərək payızın palçığını yola verirlər. Çəkmələrin də istehsal ölkəsindən fərqli olaraq qiymətləri və keyfiyyətləri var. Hərə cibinə uyğun çəkmə geyinir. Uşaqlar da (həm qızlar həm oğlanlar) çəkmə və qaloş geyinərək payızın atributu olan palçıqla mübarizə aparırlar.

Həmişə ayağınızda rus qaloşu olsun ay kəndlilər)))